Nyheter


Haustsesongen startar i slutten av august

05 Jun 2008 skrevet av asmund
Så er vårsesongen over - styret møtest i august og lagar terminliste til haustsesongen, som startar i slutten av august.

Matts seriemester på nytt

05 Jun 2008 skrevet av asmund
Matts Eriksen tok sin ørtande klubbmestertittel da han slo utfordrar Lars Lium måndag 2. juni.
Med Lars som svart vart det sjølvsagt fransk åpning. Men alt etter trekk 8 gjorde Lars ein blunder og måtte gi ein løpar for to bønder. Dei to bøndene erobra snart Matts tilbake og låg rein offiser over, og i det 23. trekket avgjorde han partiet med ein giftig gaffel og ein dobbel avdekkarsjakk som førte til at svarts dronning stod for slag. Lars klynga seg til brettet og var like ved å lure seg til ein patt, men måtte gi opp i det 43. trekket.

God servering og hard kamp om poenga

30 May 2008 skrevet av asmund
Det vart varta opp med vaflar med ost og syltetøy pluss sjokoladekake, til stor glede for dei som dukka opp - så får dei som ikkje kom, misunne oss andre.

Ein hard lynrunde vart så gjennomført, med ein Matts i storform, han tok 11 av 12 poeng. På dei neste plassane kom Åsmund og Rudi.

Måndag 2. juni blir siste klubbkveld i vårsesongen. Da blir klubbmesterskapet avgjort med det utsette partiet mellom Matts og Lars. Lars leder med 1/2 poeng og greier seg med remis for å ta tittelen!

Hurtigsjakk for dei andre som kjem på måndag.

Kom i klubben 26. mai

20 May 2008 skrevet av asmund
Dette er ei sterk oppfordring til dei i klubben som sjeldan møter opp:

Måndag 26. mai vil vi varte opp med servering, premieutdeling og første runde av vår svært så uhøgtidelege Konrad-turnering.

Så Kjell og Anders og Hallvar og alle de andre - STILL OPP!

("Konrad-turnering" er ei hurtigsjakkturnering (25 min. tenketid) over fleire kveldar etter det såkalla Konrad-prinsippet: Du treng ikkje møte opp kvar gong. Berre dei som møter opp, blir tildelt motstandarar. Det kan føre til at dei same møter kvarandre fleire gonger i same turnering. Likevel fører vi samanlagtliste. Altså ei litt uhøgtideleg turnering slik det kan passe no i mai. Poenggivinga er litt annleis enn normalt - vi honorerer oppmøte med eitt poeng, slik at seier gir 3 poeng, remis 2 og tap 1 poeng. 0 poeng berre til dei som held seg heime ...)

Rudi knekte Åsmund i klubbmesterskapet - revansje i lynrunde

20 May 2008 skrevet av asmund
Det vart avvikla berre eitt parti i klubbmesterskapet måndag 19. mai: Åsmund Forfang - Rudi Kilen.
Åsmund la ut i stort tempo og kapra snart ein offiser - han hadde berre ikkje analysert om offisersofferet til Rudi var sunt eller usunt, og fekk snart svi bittert for det. Rudi fekk opp eit angrep på direkten som viste seg så godt som umuleg å forsvare seg mot, og etter berre ein halvtimes spel måtte Åsmund gje labb.

Åsmund tok hemn i ein dobbel lynrunde for fire deltakarar etterpå:
Åsmund Forfang 5 1/2 (av 6)
Rudi Kilen 4
Gunnar Gisnås 3
Shamil Shkalahov 1/2


MEIR OM KLUBBMESTERSKAPET:

Partiet Richardson D. Fernandes - Gunnar Gisnås vart dømt til seier for Gunnar fordi Richardson ikkje møtte opp.

Partiet Matts Eriksen - Lars Lium er utsett. Dette partiet blir ein kamp om mestertittelen 2008. Matts er dømt til tap i det utsette partiet mot Richardson, fordi han ikkje gjorde seg nok tilgjengeleg til å få partiet avgjort. Stillinga før det siste partiet Matts - Lars er dermed:

Lars Lium 5 1/2
Matts Eriksen 5
Åsmund Forfang 4 1/2
Gunnar Gisnås 4
Rudi Kilen 3 1/2
Richardson D. Fernandes 3 1/2
Shamil Shkalahov 0

<< Previous ... 2 ... 4 ... 6 ... 8 ... 10 ... 12 ... 14 ... 16 ... 18 ... 20 ... 22 ... 24 ... 26 ... 28 ... 30 ... 32 ... 34 ... 36 ... 38 ... 40 ... 42 ... 44 ... 46 ... 48 ... 50 ... 52 ... 54 ... 56 ... 58 ... 60 ... 62 ... 64 ... 66 ... 68 ... 70 ... 72 ... 74 ... 76 ... 78 ... 80 ... 82 ... 84 ... 86 ... 88 ... 90 ... 92 ... 94 ... 96 ... 98 ... 100 ... 102 ... 104 ... 106 ... 108 ... 110 ... 112 ... 114 ... 116 ... 118 ... 120 ... 122 ... 124 ... 126 ... 128 ... 130 ... 132 ... 134 ... 136 ... 138 ... 140 ... 142 ... 144 ... 146 ... 148 ... 150 ... 152 ... 154 ... 156 ... 158 ... 160 ... 162 ... 164 ... 166 ... 168 ... 170 ... 172 ... 174 ... 176 ... 178 ... 180 ... 182 ... 184 ... 186 ... 188 ... 190 ... 192 ... 194 ... 196 ... 198 ... 200 ... 202 ... 204 ... 206 ... 208 ... 210 211 212 213 214 215 216 217 218 219 220 221 222 223 224 225 226 227 228 229 ... 231 ... 233 ... 235 ... Next >>

Powered by CuteNews